•بەمەزەندەی موهەندیسەكانی سایت و مایت و مالپەر درووست كردن، بە ئەقڵی لینكچیەكانی وەك تەیارەوخێرا، دوای ئەوە گوایە ئەنجامی دەرچوانی پۆلی شەشەمی ئامادەیی لە مالپەڕی بەهێزو بەقوەتی وەزارەتدا بڵاو كرایەوە و كەس نەبۆی وەرگیرا نە دەرەجەكەی لێوە دەستكەوت، پێشبینی دەكرێت ماوەیەكی تر لە كوردستان ئەنتەرنێت سیقەی یەك تووری نەمێنێ .....

• بەمەزەندەی سەندیكای گۆڵچیانی جنووبی ئەفریقیاو بەبۆچوونی گۆڵكەرانی ئەمریكای باكوور، دوای ئەوەی مۆندیال سەلماندی كەوا تۆپ باری نییەو خڕە، پێشبینی دەكرێت كوردستانیش بۆ گەیشتن بە مۆندیال لەگەڵ خڕی تۆپی دراوسێكانیدا رابێت و گوێی نەداتێ ....

• بەمەزەندەی دكتۆرەكانی تەندرووستی و نەهێشتنی چەوری و بە بۆچوونی گۆشتخۆرە دەستودەم لێسراوەكان، لەوانەیە ماوەیەكی تر خواردنی گۆشت لە كوردستان وەك شروب و حەب بەكار بهێنرێت، چونكە لە خەمی گرانیەكەی كۆلسترۆڵەكەی لەجیاتی قەڵەوی بخۆرەكەی زەعیف دەكات و گەورەترین سوودی دەبێت بۆ نەهێشتنی چەوری لەش ...

• بەمەزەندەی خەبیرەكانی بواری تەرقیەو تەرفیع، ماوەیەكە ئەوانەی ئەهلی هەندەران كە بەپرتاو رۆشتن و بە پڕتاویش دێنەوە و داوا دەكەن تەعین بكرێن و مودەی هەندەرانەكەشیان بۆ بخرێتە سەر خزمەتەكەیان، بەو حسابە بێت هەر ئەوەندەت زانی شاكیراو ئەنجلیناجولی و ڤاندام و رۆناڵدۆ دێنە كوردستان و هەر یەكەیان حەسەب بوارەكەی لە وەزارەتێك داوای تەقاویتی دەكەن ...