* ئۆباڵ بەگەردنم نەمدیوە بەڵام
خوێندوومەتەوە، زۆربەی مامۆستایانی زمانی كوردی لە سوید كوردی باش نازانن، یان
هەربۆ نەجاتبوونیان لەو دەرسە گوێ بە هاتن و نەهاتنی تەلەبەكانیش نادەن، خۆشیەكەی
لەوەدایە سویدیش باش نازانن، لەوانەشە مەقسەدیا ئەوە بێت شتێك كوردی و شتێك سویدی
لە تەلەبەكانەوە فێر ببن!
* ئۆباڵ بەگەردنم كەس بۆی باس نەكردووم ئەمەشیانم خوێندووەتەوە، لە گوندێكی نزیك
هەولێر لەسەر جووتبوونی دووكەر شەڕێكی توند بە بیكەیسی و كڵاشنكۆف كەوتوەتە بەینی
دوو بنەماڵە، كوڕی یەكێك لە ماڵەكان گوتوویەتی ماكەریش شەرەفە، كەری فەقیر هەر ئەو
شەرەفەی هەبوو ئەویشیان لێ سەندەوە!
* ئۆباڵ بەگەردنم ئەمەیانم نەخوێندووەتەوە برادەرێك بۆی باس كردووم، ئەندامێكی
لیژنەی رەقابە لەكاتی تەفتیشدا جیهازێكی بچووكی ئەلكترۆنی حەساسیان پیشانداوە كە
نرخەكەی زۆربووە، تووڕە بووە وتویەتی: چۆن ئەم شتە بچوكە بەوەندەیەو هەشە گەورەیە
هەرزانە، دیارە ئەو برادەرە مانگا بە گونا دەناسێتەوە!
* ئۆباڵ بەگەردنم كەس بۆی باس نەكردووم ئەمەیانم بەچاوی خۆم دیوە، نووسەرێكی
عیملاقی لای خۆمان گۆڤارێكی هەیە، جاروبار دەریدەكات و لەسەری دەنووسێ : بۆ پارەی
ئەم ژمارەیە ئەوەندە ئەشیای ماڵەكەمم فرۆشتووە، بەو حسابە ماوەیەكی تر ئەبێ
پەیوەندی بكات بە چاودێری كۆمەڵایەتیەوە! كەچی هەتا دێ ماڵەكەی پڕتر دەبێت،
لەوانەشە مەقسەدی ئەوە بێت لە هەر ژمارەیەكدا شتێكی ماڵەكەی دەگۆڕێت!