نوكتەی گەپ
كاروان فەتحی
* پیاوێك لەگەڵ ژنەكەی دەبێتە
شەڕیان،پاش دوو سەعات پیاوەكە دەچێتە نزیك دەرگای ژووری خەوتن،گوێی لێبوو ژنەكەی
دوعای دەكرد،دەی دهیگوت:خوایە گیان لۆ خاتری حاجی احمدی دراوسێمان، من و مێردەكەم
ئاشت بكەیتەوە،پیاوەكەش كە گوێی لەو قسانە بوو،یەكسەر خۆی بە ژوورێ دادا وتی: سەبر
سەبر حاجی احمد، پاڵم پێوەمەنێ، بەخۆم دەچمە ژوورێ!
* فیتەرێكی زۆر ڕەزیل باوكی دەمرێت،لەسەر لافیتەكە نووسیبووی،دڵگرانین بە كۆچی
دوایی باوكی وەستا عباسی فیتەر بۆ كردنەوەی پێشی هەموو جۆرە ئۆتۆمبێلێك لە ناوچەی
پیشەسازی!
* کوڕێکی لادێی به دایکی ئهڵێت: دایه بچۆ داوای کچی مامه شهفیقم بۆ بکه.
دایکیشی دەڵی كورم بهخوا نابێت، چونکه به مناڵی شیرم دایتێ، دوای ماوهیهک
کوڕهکه ئهڵێ: باشه دایه برۆ بۆ داوای کچی مامه عهباس! دایکی ئهڵێ به خوا
كورم شیرم بهویش داوە! ئهڵێ: باشه ئهی کچی فڵانه کهس، دایکی ئهڵێ وهڵاهی
شیرم بهئهویش داوە و نابێت، کوڕهکه توڕه دەبێت و دەڵێ: باشه تێناگهم؟ تۆ
دایکی منیت یان مانگای ئاوایی؟
* كچێك بە خۆشەویستەكەی وت. دڵەكەم دەمەوێ لە باوەشتا بمرم، كوڕەكەش وتی: لە ماڵی
باوكت بتۆپە تاقەتی مشكیلەم نیە!
* مامۆستایەك لە قوتابیەكی پرسی، ژنی ناپلیۆن ناوی چی بوو؟قوتابیەكەش سەعی نەكردبوو
وەڵامەكەی نەدەزانی وتی: عەیبە مامۆستا باسی ناموسی خەڵكی مەكە!
* سیسركەك دەچێت بۆ سینەما، پێش دەستپێكردنی فلیمەكە ڕیكلامی دەرمانی حەشەڕات
لێدەدەن،سیسركەكەش زۆر دەترسێ و دەڵی: وەی بابە ئەو فلیمە هەر لەسەرەتاوە ترسانەكە!
نوكە نوكتە
* پۆلیسێکی هاتووچۆ دوو کوڕی قوتابی
تەمەڵی هەبوو، کاتێک کارتی کۆتایی ساڵیان وەرگرت هەردووکیان دەرنەچووبون، بە
کوڕەکانی گووت: بابزانم نمرەکانتان چۆنە؟
کاتێک سەیری کارتی کوڕە گەورەکەی کرد، چاوی چووە پشتی سەری و تێر و پڕ کووتای و
خستی یە ژێر پێ لەقەوە! بەڵام کە سەیری کارتی کوڕە بچوکەکەی کرد، ڕووی خۆش کرد و
گووتی: قەیناکە و ساڵێکی تر کەمێک خۆت هیلاک بکە و دەرئەچیت!
دوایی برا گەورەکە برا بچکۆلەکەی بانگ کرد و پێی گووت: بۆ وای لە من کرد و واشی بە
تۆ گووت: بچکۆلەکەش ووتی: ئاخر من پێنج هەزارییەکم خستبووە ناو کارتەکەمەوە!
* برادەرێک فانۆسێکی سحری ئەدۆزێتەوە، دەستی پیا ئەهێنێ و دێوهکه دێتە دەرەوە.
ئەڵێت ئەمرکە و با تەنفیزی بکەم! کابرا ئەڵێت ئەمەوێت قسە لەگەڵ دایکما بکەم کە پار
مرد، ئەویش ئەڵێت بۆ مردوو زیندوو کردنەوە یاری مناڵانە؟ داوای شتێکی تر بکە، ئەویش
ئەڵێت: ئەمەوێت ئەمساڵ ڕیاڵ مەدرید کاسەکە بەرێت! دێوهکه تۆزێک بیر ئەکاتەوە و
ئەڵێت قەبری دایکت لەکوێ بوو؟