پیاوم ئەوێ خۆی لەبەربگرێ

تایبەت بۆ گەپ دەینووسێ - كەریم مودەریس

خانەقین بیگرە تاكو عەبدەلی، لەوەێوەش وەرۆ بەڕێی مەندەلی، سەری قایمە هەر ناوی ئەوە، كەچی تێی كەوتووین بەهەرچوارپەلی، عەشتەبا نابێ نەجات لەدەستی، ئەمەیە كراس و كەوای گەندەڵی.. جا ئەوەی سەیرە لەم باس و خواسە، شلەكەی خۆشە بەدەست و پلی، ئەوی قسەی زل، زبەلاح ئەكا.. نەیناوەتە زار لەگۆشت و قەلی، هەركە تامی كرد دووسەد سڵاوات، بۆوەی ئەم ناوەی هێنا وەتەنی. عەینی تریاكە هەركە بۆنی كرد، دەس لێی بەرنابێ لە ئەسڵی و فەلی، هەربۆیە ئەوەی ئەڵێ نەمێنێ، قسەیەو تاكو تامی ئەڤەلی، هەركە تامی كرد بەس بۆ نموونە، وەك كەر لێی ئەخوڕێ ئەو بەعەمەلیجا كێ بێ بیكا قەڵاچۆی ئەمە، كە ئیغرای كردووین بەقاچ و قولی، ئەوەی ئەیهێنی بە رەئیس لوجنە بۆنی هەر ئەكا لە (بار) تا جەلی، ئەمەیە حاڵی عەوامی سادە، پشتی شكاندووین دانی عەمەلی سەد تەڵاق ئەخورێ رۆژێ بەبەلاش، مەگەر ئەمە نییە رەسمی گەندەڵی...؟؟!! جا گەندەڵی ئەم هەموو عەزەلاتەی هەبێ، خۆ هەرچی عەدنان قەیسی ئەم وڵاتە هەیە نەك ناگەن بە سەرووی ئەژنۆی و بۆكسێكی عاتیفی بگەیەننە فەوقە لروكبەی، بەڵكو هەنێ لەترساو هەنێ لەبرسا ئامێزی بۆ ئەگرنەوە. ئەووەل جار ئەڵێن بۆ هەڵخەڵەتاندن لەباوەشی ئەگرین، لەپاشانا ئەیخنكێنین و لەناوی ئەبەین بەشكو ئەم دێوزمەیە نەمێنی لەنێومانا بەهەوەسی خۆمان تاتۆ بكەین، و هەرچی مۆڵی ئەم شارەهەیە بیكەین بەگیرفانمانا، كەچی هەركە بەو مەعنایە لەئامێزی ئەگرن، بۆن و بەرامەی وەها دزەی كونی لوتیان ئەكا فەورەن ئەم موئامەرەی لەئامێزگرتنە فش ئەبێتەوەو ئەبێت بە وەحدەی وەتەنی و وەعد و پەیمانی لەسەر بینا ئەكرێ.
ئێ باشە كابرای برسی هیچ نەدیوەی ئەم وڵاتە پڕ لەزێڕوزیوە قەینا، ئەی كابراكەی دیكە بۆچی لەترسا وەها لەبەردەم گەندەڵیا ئەتوێتەوە.
بەمەزەنە لەبەر ئەوەیە ئەگەر دەس درێژنەكا تا بنی هەمانەی گەندەڵی و وەك پەنیرو نیڤیشكی جاران وردە وردە لێی دەرنەهێنێ، وەك دەرهێنانی ئەم حەمكە خۆڵ وخاشاكەی سجنەكەی زاخۆ كە یانزە تۆمەتباری (بێكەسی فەقیری) تێدا هەڵات، تۆمەتەكەی لەسەر ئیسپات ئەكەن و هەر بۆهەوەس ئەیكەن بەملیا، ئێ هەر ئەوەنە شتیش كرا بەملتا ئیتر بە دوعای غەوسیش لێی نابێتۆ، تا تۆ ئەڵێی خدر نیم و قایرم ئەوان كامی خۆیان لێت ئەبینن. جا گریمان ئەوە بەدوعاو زیارەتی دەس و مەچەكیش لێت بۆوە، ئێ خۆت نایزانی لەم دەڤەرەدا هەر ئاگاشت لێ نییە لەحزوورا چۆن دەست بۆ هەڵئەبڕن و، پاشملەش چۆن ئەنواع بەرگ و ئەلبیسەت بۆ هەڵئەبڕن كە نەهیچێكیان لەمەقاسی تۆیەو نە ئەگاشت لێیە سواری چ كەرێكیان كردووی و بەناو ئۆمەتا غلیان كردویەتەوە..!!