خۆی لەئەسڵا بۆ حوبحوبێنی ئەمدیوئەودیوی دوو دڵداری بن دیوار هاتووە، وەلێ بۆ ئێستای عێراق بووە بە دەست تێخستنی نێودەوڵەتی و ئەقلیمی !
• خۆزگەم بەو كەسەی دراوسێتانە، داری مەعەدەل لەناو دەستانە، بەئارەزووی ئەو ئەخۆن و ئەكەن، هەرچیشی بوێ یەكسەر بۆی ئەبەن!
• خۆزگەم بەو كەسەی دراوسێتانە، دایمە خەریكی سنوور بەزانە، هەرچیتان لێ بكا پێی مورتاح ئەبن، لەژێر تەیارەو تۆپی دەرناچن !
• خۆزگەم بەو كەسەی دراوسێتانە، ئەو هەرچی بڵێ قسەی هەمووانە، ئای دەسڵاتتان چەند توندو تۆكمە ، هەر كامتانی بوێ ئەو لەسەر حوكمە!
• خۆزگەم بەو كەسەی دراوسێتانە، ئەو ساحێب ماڵەو ئێوەش بێگانە، دیاری دەستیان هێندە ناسك و نەرم و نیانە، یان تیئێنتیە یان ریشی پانە!
• خۆزگەم بەو كەسەی دراوسێتانە، ئە‌و بووەتە شەم و ئێوەش پەروانە، ئەو قەرار دەداو ئێوەش جێبەجێ ، چاو سووربكاتەوە رۆحتان دەرئەچێ، بەیەك هەڕەشە ئەتانخاتە جێ!
• خۆزگەم بەو كەسەی دراوسێتانە، بەشەوو بەرۆژ چاوی لێتانە، چەند خۆ ماندووكەن لە هەڵبژاردنەكان، چەند ژێربەژێری ببن بە قوربان، ئارەزووی لێ بێت یەكەمەكەتان ئاخیرەمینە، كەی هەوەس گرتی دۆراوەكەتان یەكسەر ئەكاتە سەرەك وەزیران!
• خۆزگەم بەو كەسەی دراوسێتانە، دارودیوارتان رەسمی ئەوانە، جلولیباستان ئەوان ئەیدوورن بەشانازیەوە لەبەری دەكەن ، بۆ مفاوەزاتی ماڵەكەی خۆتان هەر ئەبێ پرس لای ئەوان بكەن!
• خۆزگەم بەو كەسەی دراوسێتانە، شەو تا بەیانی لاتان میوانە، ئێوە لەكوێ بن ئەویش لاتانە، لەحكومەت و لە پەرلەمانە، یان لەناو سەنگی تەرازووەكانی دادگاكانتانە، دەی دەستان خۆش بێت ئەجری دراوسێیەتی ئاوا گرانە!