ئەوەی فڕیشی بەسەر دینەوە نییە هەركە تەنگاو بوو، بێ عەیوی نەوێ لەرووتانا..خوا ئەكا بەشایەت و سوێندی پێ ئەخوا..!
ئەم قسەیە لیئەوەل مەڕڕە نییە دەیدركێنم و جارێكی دیكەشم بەبەلاش ئیعلان كردووە، وەك ئیعلانی ئەو مەكتەبە ئەهلییەی كە ئێستا بووەتە مۆدەو هەركەسەو لەتەربییە عاجز ئەوێ مەكتەبێكی ئەهلی شەش ئەستێرەیی ئەكاتەوە، ئیتر هەر پارەی بەسەردانابارێ و بەس، بەڵكە خەڵك وەها متمانەی پێ دەكەن و قەناعەتیان بەمەنهەجی ئەبێ، كە وەك مالیكی چۆن پێش ئەوەی هیچ عەرزێكی لێببینن ئیمانیان پێهناو ئەو زاتە نەجیبەش زۆر بەعاقڵی ئەمەی قۆزتۆتەوەو كارێك دەكات لە ئینسافیا ناوی لەتۆماری گینسی جیهانی تۆمار بكرێ، بۆ ئەم ئینسافە زۆرەیشی ئەوەی كردۆتە پینەی چاوی خۆی گوایە . خۆ هیچ نەبێ من لە جەعفەری باشترم..!!
ئیتر با سەری میسالەكەتان لێ تێكنەچێ، كە وتم بەبەلاش ئەو قسەیەم ئیعلانكرد وەك خاوەنی یەكێ لەوانەی ئەمری كردنەوەی دانەیەكی ئەهلی بۆ دەرچووەو ئەم حەمكە پارەیە ئەنێتە باخەڵییەوە، كەچی داوایكردووە بە (بەلاش) لەتەلەفزیۆن بۆی ئیعلان بكرێ، بەڵام ئەم كە بەپارە خەڵك وەربگرێ ئەوەیان حەقی خۆیەتی فەقیرە قەیناكە، كەس نەعیبرەتی لەم قسەیەم وەرگرت نە ئیستیفادە نە هیچ، بەڵكە سوێند خواردن هێشتا هەر گوڕەی دێ عەینەن و مەینەن گوڕەی ئەو دەفتەرە دۆلارە باریوانەی كەندیناوەو قەراج نەما پێی نەكڕن و فەقیری لێ دەرنەپەڕێنن.
ئەمە ئیمانی ئێمەیە، هەركە سوێندت خوارد حیسابكە لوقمەی چەورت خوارد و دەستی خۆت وەشاند عەینەن وەشاندنی باش و خراوی بەرهەمی ئەو رۆشنبیرانەی كە وەها بیریان پڕكردینەوە بەحەیاتی نەفەس نادا جارێكی تر.
لەدەرەوە، كە بەحەیاتی بەخەونیش نەمدیوە بەڵام عەلامەتەكان وا خۆیان ئەنوێنن ئەننەما شەعب نواندنە بەحیكایەتی ئەلیف لەیلەولەیلەو دوانزە سوارەی مەریوان و مەڕۆكەو بزنۆكەی مناڵان گوایە ئۆزۆن كونبووەو عەللاگە گەورەكانی زبڵ بگرنەوە شوكور خێر رژاوەتە خوارەوە هەر ئەوەنەی ماوە خۆی بكا بەم دەڤەرەو ئێمەش وەك گەلان مافمان بۆ بوێ.
لەدەرەوە گوێت لێ نابێت كەسێك بۆ بەناحەق خواردنەوەی پەرداخێك ئاو هەروا بەئاسان دەست بەقورئان دابدا، بەڵام ئەوەنەیان لەم هینە عەنتیكەیە باراندووە كە پێی دەڵێن عەدالەت، ئەگەر لە مەلەوانگا وەك لەرێنووسی ئێستای كوردیا ئەم عەیبوعارە دەركەوتووە، ئەگین خۆی مەلەوانگەیە، بەرووت و قووتی تەقلە بۆ سەر ئاو لێ بدات كەس ناڵێ ئەها پەلكە گەڵاكان بابردنی، چوكوم كونی هەموویان بەپەلكی گەڵا داپۆشراوەو زۆریان خۆش دەوێن كە كونەكانیانی بۆ گرتوون، هەربۆیە كەس هی كەس هەڵناداتەوە بزانێ چی لەبنەوە حەشارداوە چونكوم بەلایەنی كەمەو خۆی شەش حەوت دانەی لەم كونانە هەیە..!